قصص قصره

https://shasha-cima.blogspot.com/search/label/%D9%82%D8%B5%D8%B5%20%D8%B7%D9%88%D9%8A%D9%84%D9%87

أخبار ساخنة

إعلان الرئيسية العرض كامل

إعلان أعلي المقال


الحلقه الخامسه من الحارس الشخصي

تاني يوم!
المنبه يرن تنننن تننننن تننننن تنننننن
مالك: خلاص خلاص بطل زن
استيقظ مالك في تمام الساعة الثامنة صباحًا ,وفتح ستار الغرفة ,وامسك هاتفه واتصل بحسام
تليفون حسام ترن ترن ,ترن ترن
حسام بكسل: الو
مالك: ايه يا استاذ ,كل دة نوم ,ناموسيتك كحلي ولا ايه
حسام: لا دة انا حتي كنت قايم
مالك: طب يلا قوم هلبس وهرن عليك تاني ,لو مقومتش ,هجيلك
حسام يحاول اظهار النشاط: لا لا انا قايم اهو
انهي مالك المكالمة واسرع في أخذ حمامه ,وارتداء ملابسه ,ثم ترجل من الڤيلا وركب سيارته وبدأ بالقيادة الي منزل حسام
ترن ترن ترن
حسام :نعمين
مالك بسخرية: خلصت يا أستاذ
حسام: ايوة ,وصلت؟
مالك: تحت ,انجز وانزل
ترجل حسام من الڤيلا وركب السيارة ونظر لمالك بزهق وقرف مما جعل مالك يدمع من شدة الضحك علي مظهره
حسام: متتفضل تطلع
مالك بضحك: مانا طالع اهو
في خلال قيادة مالك ,كان ينظر لحسام من حين لآخر ويضحك من تعبيرات وجهه ,فكان يجلس مربعًا يديه ,علي وجهه علامات الزهق والقرف
حسام: نعم يعني ,وشي مكتوب عليه نكت بتضحكك ,بص قدامك بدل منخبط في حد تاني ,الله يهديك
-------------------------------------------
نهي: انا جاهزة علفكرة
حياة: والمطلوب؟
نهي: تنجزي ,عشان عاوزة اجيب ماما من المستشفي
حياة: هشرب الكابيتشينو ,وننزل علطول
نهي: طب ايه رأيك ننزل ولما نرجع تشربي براحتك
حياة: مانا مش فايقة وتعبانة ,فهشرب الكوباية عشان افوق ,بدل منعمل حادثة
نهي: طب انجزي بقي ,يارب تتلسعي
نظرت حياة لها نظرة برود ولم ترد
-------------------------------------------
وصلا حسام ومالك كانوا المستوردين في الطريق اليهم
مالك: بسرعة يا حسام علي مكتبك ظبط الورق وانا هجيب الورق اللي عندي ,ونتقابل في مكتب الاستيراد
ذهب كل منهما لاحضار اوراق الصفقة
وهنا كان وصل المستوردين الصنيين الشركة واستقبلوهم الموظفين افضل استقبال واوصلوهم الي المكتب
مالك: مرحبًا ,مرحبًا استاذ شاومينج
شاومينج: اهلًا بك (سوري بقي انا معرفش صيني😅)
مالك: الحمولة جاهزة وكل شيء كما طلبت ,رطلين قطن بالتمام
شان: هل يمكننا ان نراهم؟
مالك: بالطبع ,تعالوا معي ,هذه السيارة ستنتقل للمطار في وقت تحرككم وستملأ الطائرات بهذا القطن وعند وصولها الصين ستُحَمَّل من هناك الي مزارعكم
اوشين: انه امر رائع! ,احييك
مالك: اشكرك سيدتي!
شاومينج: نحن سوف نذهب الآن ,ومسرورين جدًا لتعلملنا معكم ,والنقود ستصلكم غدًا صباحًا
حسام: هذا هو المطلوب ,انا يكون عملاؤنا سعداء
ذهب المستوردون وشعر مالك بارتياح شديد لانهاء هذه الصفقة
مالك: اخيرًا خلصتها ,الصفقة دي كانت مهمة جدًا
حسام: وعلي كدة الفلوس هتيجي ازاي؟
مالك: بيبعتوا الفلوس في طيارة ,وبيكون هناك عملاءنا ,بيجيبوا الفلوس في عربيات وبييجوا علي هنا ,والفلوس بتتشال في خرنة الشركة اللي فوق ,اللي محدش يقدر يخشها وكل واحد بياخد نصيبه
حسام: وهي فلوسها قد ايه؟
مالك: خمسة مليار دولار
حسام: اوبااااا
مالك: وكل واحد هنا في الشركة نصيبه علي الاقل ١٠٠ الف دولار
حسام: كويس جدًا
مالك: الساعة دلوقتي واحدة ,انا هخلص شوية شغل واروح اقابل نهي
حسام: ماشي ,انا هطلع دلوقتي علي مكاني
مالك: مش ناوي تقولي المكان دة فين؟ ,او بتعمل فيه ايه؟!
حسام: في الوقت المناسب يا صاحبي
---------------------------------------------
نهي: حمدلله علي سلامتك يا ماما
نور: الله يسلمك يا حبيبتي ,ربنا يخليكي يا حياة تعبناكي معانا
حياة: متقوليش كدة يا طنط ,دة انتي امي التانية
نور: ربنا يخليكي يا حبيبتي
ادخلتا الفتاتان والدة نهي الي غرفتها كي ترتاح قليلًا
حياة: اسيبك انا بقي ,معاد الچيم بتاعي
نهي: خلي بالك وانتي سايقة
حياة: حاضر ياختي
-------------------------------------------
في ڤيلا حسام الاسيوطي يوجد شاب ,شارد ,علي وجهه علامات الاشتياق ,يجلس علي الارض بين الزرع ,ممسكًا بصورة ,يتذكر اجمل ايام حياته!

فلاش باك
حسام: عارفة ,انا هملي البيت عيال يجروا ويطنططوا في كل مكان ,كفاية انهم هيكونوا منك
مي: انا نفسي اسمي ملك وحازم اوي
حسام: ملك وحازم وفريدة وعلي وكل اللي نفسك فيه
مي: انا عمري مهسيبك ابدًا مهما يحصل
حسام: انتي بتاعتي انا وبس ,هو حد يقدر يفكر ولو للحظة انه يتجوزك ,دة انا كنت قتلته
مي: ربنا يخليك ليا يا حياة قلبي
حسام: ويخليكي ليا ,ويديمك نعمة في حياتي
باك

حسام بتنهد: امتي ترجعيلي تاني يا مي ,وحشتيني اوي ,عارفة بقي لما ترجعي واشوفك تاني ,هنتجوز علطول ,وهنجيب ملك وحازم زي ماتفقنا
اثناء ماكان حسام ممسكًا بصورة مي سقطت من اعينه دمعة اشتياق شديد لحبيبته الذي اختارها قلبه
-------------------------------------------
مالك: الساعة تلاتة ,الحق اروح واجهز عشان اقابلها
ترجل مالك من الشركة وركب سيارته وبدأ بالقيادة الي منزله وهو في شدة سعادته
------------------------------------------
لقاء بحدة: فريد ,اظن ان احنا اتكلمنا في الموضوع دة قبل كدة وقولتلك القرار دة قرار حياة ,وهي مش بتفكر في الارتباط دلوقتي
فريد: بس انا اولي بيها من اي حد غريب ,انا ابن خالها
لقاء: انا كلمتها كزة مرة وهي رافضة الموضوع دة تمامًا ,واصلًا جواز القرايب بيجيب تخلف ,وابعد بفي عن حياة احسنلك
فريد: كدة! ,ماشي يا لقاء هانم
خرج فريد من القصر ولكن اثناء خروجه من الحديقة وجد حياة تدخل الڤيلا فأمسك بيدها قائلًا
فريد: يكون في علمك ,انتي مش لحد غيري
افسحت حياة يده عنها ولم تبالي لكلامه واكملت سيرها
حياة: ماله المتخلف دة ,هو معندوش احساس
لقاء: دة بيستهبل ومتخافيش ,علي جثتي انه يتجوزك
---------------------------------------------
اصبحت الساعة الخامسة والنصف ولم تأتي نهي بعد الي المطعم المتفق عليه لتلتقي بمالك
مالك: اتأخرت ليه بس ,تكونش مش جاية وبتضحك عليا
وفجأة رآها مالك تدخل من باب المطعم متوجهة اليه
نهي بحدة: اتفضل ,قول الموضوع المهم
مالك: طب اعتذري حتي انك جيتي متأخر
نهي بجدية: انجز
مالك: الاول تحبي تشربي ايه؟
نهي: ولا حاجة
مالك: لا ,لازم
نهي: خلاص ممكن لمون ,ممكن تتكلم بقي وتنجز
مالك: انا بحب حياة ,بس مش عارف اوصلها لان رقم والدتها لقاء هانم ,ضاع مني ,وانا دلوقتي محتاجه عشان اتقدم وافاتحها في موضوع الجواز
نهي: مش تعرف الاول هي بتحبك ولا لا
مالك: طب لو من غير رخامة ,ممكن رقم طنط؟!
نهي: مفيش مانع ,سجل ٠١٢....................
مالك: طب ممكن رقم حياة؟!!
نهي: مستحيل!!
مالك: لو سمحتي ,انا محتاج رقمها عشام اقدر اتعرف عليها اكتر
نهي: اولًا انت جبت رقمي منين؟
مالك: من مكان شغلك
نهي: وانت تعرف مكان شغلي منين؟
مالك: دة صاحبي حسام ,عشان هو يعرف المدير هنا ,صاحبه يعني ,فجاب منه الرقم
نهي: مممم ,طب اكتب رقم حياة ٠١٢................
مالك: ممكن اوصلك في طريقي؟
نهي: شكرًا معايا عربيتي
ترجلت بعدها نهي من المكان وركبت سيارتها وبدأت بالقيادة الي النادي
خرج بعدها مالك من المطعم وعلي وجهه ابتسامة عريضة لا تفارق وجهه ,وركب سيارته ,واتصل بحسام
...................

ليست هناك تعليقات:

إرسال تعليق

إعلان أسفل المقال