الحلقه التاسعه من قصة الاستاذ و الاستاذة

الحلقه التاسعه من قصة الاستاذ و الاستاذة

*خالد يروح وهو مخنوق ومش عارف يعمل ايه*

شريفة:يلا يا حبيبى عشان تتعشى

خالد:لا يا ماما مش عايز

شريفة:ليه يا حبيبى

خالد:مش عارف مليش نفس

شريفة:لا هتاكل روح كلم ابوك فى البلكونة وانا هحضرلك العشاء

خالد*يروح لباباه فى البلكونة*:بابا انت عايزنى

جلال:تعالا يا خالد

خالد:خير يابابا

جلال:خير انت فى ايه مالك

خالد:مليش هيكون فى ايه يعنى

جلال:لا ده فيه وفيه مش انت خالد ابنى المجننى ومغلبنى مبقتش زى الاول من ساعة ما ليلى ظهرت

خالد*اول ما يسمع اسم ليلى قلبه يدق*:ليلى مالها

جلال:يعنى مفيش حاجة بينك وبينها

خالد: لا مفيش حاجة انا وليلى مجرد اصدقاء مش اكتر وكمان هى مخطوبة لحاتم وربنا يوفقها معاه

جلال:يارب ويوفقك انت كمان يا ابنى ,خالد احنارجالة زى بعض لو فى حاجة قولى وانا عارف انى كتير كنت بقسى عليك بس عشان مصلحتك يا ابنى

خالد:انا عارف يابابا

جلال:غريبة اول مرة متقوليش يا حضرة المدير

خالد*ابتسم*:ماشى يا حضرة المدير

جلال*خده فى حضنه*:ربنا يخليك ليا يا ابنى

خالد:ويخليك ليا يا بابا

شريفة:الاكل جاهز يلا

خالد:لا معلش يا ماما مش هقدر والله

شريفة:ليه بس يا خالد

خالد:معلش يا ماما انا تعبان وعايز انام

جلال:سبيه براحته

خالد:يلا تصبحوا على خير

*ويدخل خالد اوضته ويفضل يفكر فى ليلى لحد ما ينام ,ليلى بعد ماتروح تدخل اوضتها وتفضل تعيط وباباها يخبط على الباب ليلى تمسح دموعها*

ليلى:اتفضل يا بابا

سامى:ايه يا حبيبتى بقالك فترة مش بتيجى تقعدى معانا ليه

ليلى:عادى يا بابا بس تعبانة من الشغل

سامى:ليلى

ليلى:نعم يا بابا

سامى:انتى مرتاحة من خطبتك لحاتم

ليلى:ليه السؤال ده

سامى:مش عارف حاسس ان فى حاجة اول مرة قولتلك كنتى هطيرى من الفرحة لكن اول لما جه وشوفتيه حسيت انك زعلانة

ليلى*بحزن*:وانا ازعل من ايه حاتم شاب طيب وحنين يعنى هزعل ليه

سامى:ماشى يا ليلى ,عموما لو فى اى حاجة احكيلى

ليلى:مفيش حاجة يابابا صدقنى انا كويسة الحمد لله

سامى:ماشى اسيبك تنامى بقى عشان شغلك ,تصبحى على خير

ليلى:وانت من اهله يابابا

*وتنام ليلى ودموعها على خدها وتانى يوم تروح المدرسة*

ليلى:صباح الخير

داليا:صباح النور ,ازيك يا لولو

ليلى:عايشة

داليا:ليلى بصراحة مينفعش ال انتى بتعمليه فى نفسك ده

ليلى:اعمل ايه يعنى

داليا:قولى لحاتم الحقيقة وخلاص

ليلى:مش بقدر

داليا:ليه

ليلى:كل ما ابقى ناوية انى اقولوه يفضل يقولى انا مبسوط جدا انى معاكى وفرحان اننا اتخطبنا الكلام ده وانا مش بقدر اقوله حاجة

داليا:يعنى هتجوزيه وانتى مش بتحبيه

ليلى:مش عارفة بقى اعمل ايه انا بجد تعبانة

داليا:خلاص يا ليلى اهدى

*وييجى حاتم*

حاتم:صباح الخير

داليا:صباح النور:عن اذنكوا انا عندى حصة

حاتم:اتفضلى *يقرب من ليلى ويمسك ايديها*لولو معلش والله مقدرتش اجيلك امبارح

ليلى*تبعد ايديها*:عادى ولا يهمك

حاتم:لا باين عليكى لسه زعلانة

ليلى:لامش زعلانة يا حاتم

حاتم:لا زعلانة

ليلى:لا يا حاتم انا مش زعلانة

حاتم:لازعلانة وانا هصلحك بطريقتى *ويقرب منها*

ليلى*تتعصب وتبعد عنه*:حاتم انت اتجننت

حاتم:مش بصالح خطيبتى وكمان انتى خطيبتى وقريب جدا هتكونى مراتى

ليلى:حاتم احنا فى المدرسة وكمان مش عشان انا خطيبتك يبقى من حقك تعمل كدا الموضوع ده لو اتكرر تانى مش هيحصل طيب انت سامع

حاتم:خلاص ياليلى انا اسف

ليلى*والدموع فى عنيها*:طيب

حاتم*بيمسح دموعها*:خلاص بقى

*ويظهر خالد ويشوف حاتم وهو واقف قصادها وبيمسح دموعها وليلى تبصله*

خالد:انا جى اخد حاجة نسيتها

حاتم:اتفضل يا مستر خالد ,انت صحيح سبت المكتب ليه

خالد:المكتب هو السابنى مش انا السيبته

حاتم*ضحك*:ازاى يعنى

خالد:يعنى فى الاول ده كان مكتبى وملكى بس دلوقتى خلاص بقى هيبقى ملك حد تانى ,’,’عن اذنكوا

*ويسيبهم ويخرج وليلى تفضل بصاله لحد ما يمشى والدموع فى عنيها*

حاتم:انا مفهمتش حاجة ,لولو انا هروح لواحد زميلى كنت عايزه فى حاجة

*ويسيبها ويخرج ’وتقعد ليلى على مكتبها وتمسح دموعها وبعد شوية تكرر تروح لخالد وهى متعصبة اوى ,خالد بعد ما يشوف كدا يروح على مكتبه ويقفل الباب وبرمى ورق المكتب على الارض وتكون فيه ازازة تقع تتكسر وبعد ما يهدى يشيل الورق ويشيل الازازة يتعور فى ايده*

ليلى*فتحت الباب بعصبية*:خالد *ليلى تتصدم لما تشوف المكتب مقلوب وخالد واقف وايده فيها دم وتقرب منه وتمسك ايده*:خالد انت كويس

خالد:لا مش كويس

ليلى*بتعيط*:انا اسفة

خالد:انا ال اسف *ويقرب منها وياخدها فى حضنه*

حاتم*يرجع المكتب ومش يلقيها*:داليا هى فين ليلى

داليا:مش عارفة انا جيت ملقتهاش يمكن راحت حصتها

حاتم:لا حصتها مش دلوقتى انا شوفت الجدول

*ويبدأ يفكر ويقرر يروح على مكتب خالد ويتردد كتير يفتح الباب ولا لا واول ما يفتح الباب*