الحلقه الثالثه من قصة الاستاذ و الاستاذة

الحلقه الثالثه من قصة الاستاذ و الاستاذة

*اهل ليلى يلاحظه انها سرحانة على طول*

منيرة:فى ايه يا لوله مالك

ليلى:مفيش يا ماما ما انا عادى اهوه

سامى:لا مش عادى وسرحانة على طول كدا ليه

ليلى:لا والله عادى المهم انتوا كنتوا عايزنى اجيب حاجة من السوبر ماركت صح

منيرة:اة يا حبيبتى كويس فكرتينى انا كتبتلك ورقة اصل ابوكى كل مرة ينسى وميجبش حاجة

سامى:هو الشغل مخليينى عارف راسى من رجلية

ليلى*تبتسم*:ربنا يخليك لينا يا بابا عموما ماشى انا هقوم اللبس وهروح اشترى الحاجات دى

*وتقوم ليلى وتغير هدومها وتنزل وتاخد تاكسى وتروح تشترى الحاجات للبيت *خالد قاعد مع باباه ومامته وبرده سرحان بيفكر فى ليلى*

جلال:ايه مش سامع حسك ولا بتقولى يا بابا ولا يا حضرة المدير

خالد:ايه بتقول حاجة يابابا

شريفة:لا انت مش معانا خالص

خالد:لا ما انا معاكوا اهو بقولوكوا ايه انا هنزل اشترى حاجة يلا سلام

جلال:هو مالوا الواد ده

شريفة:مش عارفةاول مرة اشوفوا كدا

جلال:ربنا يهديك يا مغلبنى

شريفة:يارب

*وينزل خالد ويروح السوبر ماركت ويفضل يلف فيه مش عارف يشترى ايه ,وليلى عمالة تلف وتشترى حاجات وهما الاتنين ماشيين فى نفس الطريق وفجأة يخبطوا فى بعض*

خالد:مش تحاسبي

ليلى:انا برده الحاسب ولا انت

*خالد وليلى يبصه لبعض*

خالد:هوانتى

ليلى:هو انت

خالد:يعنى فى المدرسة والسوبر ماركت اعمل ايه يعنى اهاجر عشان خاطرك

ليلى:والله انا مليش دعوه انت البتيجى فى طريقى مش انا

خالد*بتريقة*:اة انا برده

ليلى:ايه انا برده دى ايه اكون برقابك مثلا

خالد:اة طبعا مش بعيد

ليلى*لنفسها من حلوتك اوى اى نعم انت عسول بس رخم*:لا الحمد لله انا نظرى مش ضعيف عشان ابصلك

*وقالتلوه الجملة دى ومشيت وخالد اضايق اوى ومشى هو كمان من الناحية التانية وفضلت ليلى تشترى فى حاجات واشترت حاجات كتير وفى الاخر دفعت الفلوس ومشيت وطبعا شايلة الاكياس وفيها حاجات كتير وايديها وجعتها خالد كان ماشى وراها وصعبت عليه اوى*

خالد:هاتى اشيلهم

ليلى*اتخضت*:انت تانى تصدق واضح اوى ان انا البراقبك

خالد:هتجيبى اشيلهم ولا امشى

ليلى:لا امشى

خالد:احسن برده

*وسابها ومشى اودامها وليلى كل شوية تشيلهم وبعد كده تحطهم على الارض وخالد ماشى لقه نفسه بيبص وراه ولقاها حاطة الاكياس على الارض وواقفة قام رجع وشالهم ومشى*

ليلى*استغربت من العاملوه*:انت بتعمل ايه

خالد*ساكت*

ليلى:لوسمحت سيبهم انا هشلهم انا مش عايزة مساعدة من حد

خالد*ماشى وساكت برده*

ليلى:انت رد

خالد*بصلها*:ممكن تسكتى شوية وامشى

ليلى*اتصدمت من ال قالوه وبصتله وماكنتش عارفة تقولوا ايه ومشيت جمبوه من ساكات وكانت بس بتشاورلوا على مكان يمشى منه عشان يوصلوا عند بيتها*:ده بيتنا هنا

*خالد حط الحاجة قصادها ومشى من سكات حتى مبصلهاش ,’ليلى مش عارفة تقول ايه حست انه غريب منين بيساعدها ومنين بيعاملها كدا المهم طلعت وحطت الحاجة وفضلت طول الليل تفكر فيه ومبقتش فهماه هو كويس وطيب ولا تنك ومغرور اصل واحد غيره كان طنشها ومشى وكمان هى مكانتش فهماه هى بتفكر فيه كدا ليه يمكن عشان هو الوحيد التتخانقت معاه كدا وكل ماتشوفوا يتخانقوا سوى وفضلت تفكر لحد ما نامت ,خالد مش عارف هو ليه عمل كدا بس حس انها صعبت عليه اوى عشان مش عارفة تشيل الحاجات دى ومستغرب برده هو ليه ديما بيفكر فيها كداعلى طول وتانى يوم راحوا المدرسة وحضره الحصص*

داليا:لولو انتى عليكى الدور

ليلى:عليا الدور فى ايه

داليا:انتى الهتلفى على المدرسين عشان تجيبى فطار

ليلى:بس انا فى ناس كتير مش اعرفهم

داليا:كويس عشان تتعرفى عليهم

حاتم:اجى معاكى

ليلى:لا مفيش داعى

*وفضلت تلف على المدرسين كلهم وجت عند او ضة خالد واتردديت تدخل وتقولوا ولا لا وبعد تفكير طويل وده كله وهى واقفة قصاد الباب بتاعت اوضة خالد قررت انها تقولوا وخدت نفس عميق ولسه هتخبط خالد يفتح الباب وفضلوا باصين لبعض*

ليلى*محروجة اوى وخايفة خالد يقولها حاجة*:اصل احنا قصدى انا,,,,انا راحة اشترى فطار نجيبلك معانا

خالد*واقف بكل تناكه*:انتوا مين؟

ليلى*الله ما طولك ياروح*:احنا المدرسين يعنى ,عموما لو مش عايز عادى انا الهروح اجيب وقولت اجيبلك معانا

خالد:لا مش عايز انا مبكولش الفول والطعمية انا بفطر فى البيت

ليلى*بنرفزة*:والله اة صح نسيت مش من مستيواك الفول والطعمية انا غلطانة اساسا ان انا عبرتك

*وسابته ومشيت وخالد فضل واقف واتنرفز اوى من الهى قالته ودخل وقفل الباب وراحت اوضة المدرسين*

داليا:ايه ده انتى روحتى لآستاذ خالد

ليلى:اة قولت اسأله لو عايز

داليا:ووافق

ليلى:لا

داليا:انا قولتلك انه مش بيرضى

ليلى:هو حر بقى انا هروح اجيب الفطار

حاتم:انا هاجى معاكى

ليلى:ماشى

*وييجيبوا الفطار والحصة تبدأ قبل ما ليلى تفطر*

ليلى:يوووووووووه الحصة بدأت

داليا:خلاص سبيهم وانا هكلهوم

ليلى*ابتسمت*:بالهنا والشيفا ,’انا هاخدهم معايا

داليا*ضحكت*:ماشى يا ستى

*وتروح الفصل وتبدا تشرح وتخلص الدرس بدرى ويكون ناقص 10 دقايق عقبال ما الحصة تخلص وقعدت وكلت وطلبت كمان من التلاميذ انهم لو عايزين يا كلوا يطلعوا يا كلوا وفضلت قاعدة وتكلم معاهم وتهزر وشوية ويدخل خالد*

خالد*بنرفزة*:ايه ال انتى عملاه ده

ليلى:عاملة ايه؟وانت اصلا ازاى تدخل مش تخبط على الباب الاول

خالد:انا اخبط ليه يعنى انتى فكرانى زيكوا وكمان انتى ازاى تاكلى فى الحصة

ليلى:ايه فاكرانى زيكوا دى احنا كلنا ولاد 9 وكمان انت ملكش دعوه انا حرة

خالد:لا مش حرة انتى هنا فى مدرسة مش فى بيتكم

ليلى:انا سكتلك كتير ولو مبطلتش اسلوبك ده

خالد:ايه هتعملى ايه هتضربينى

ليلى*بصتله*:اة هضربك

خالد*يقرب منها اوى*:طيب اضربى اضربى

ليلى*تتخض*:انت مجنون والله *وضربته برجلها فى رجله*

خالد*مسك رجله*:اة رجلى انا برده المجنون ولا انتى

*وطبعا ده كله والتلاميذ بصلهم وساكتين ويدخل المدير ومعاه ناس جايين يزوره المدرسة وطبعا اول ما يدخلوه الفصل يشوفوا ان خالد وليلى بيتخانقوا والتلاميذ قاعدين وبصنلهم جلال اضايق اوى وزعقلهم وقرر انه يرفد ليلى*